Padangat taka asin dai mo ini aram
Masakit puonan kun pan-o nagpuon
Ining kabuahan na mayong padumanan.
Padangat taka asin dai mo ini aram
Makulog sa boot pero tinitios
Nin huli ta dai pwede, dai nanggad.
Minaduman ako sa lugar na pirmi
Mong dinudumanan, sa paghuna
Na yaon ka, sakuyang maaabutan.
Asin pagnahiling na an saimong lalawgon
An sakuyang puso garo nang pinagharapag
Minakaskas an pulso asin pirmi an ngirit.
Padangat taka asin dai mo ini aram
Na kan ika nagkahilang, garu na akong
Dai mapan-o, kudi mayo man maginibo.
Padangat taka asin dai mo ini aram,
Kan ika nag-istorya manunggod saiya,
Pigpugol ko sana an pagturo kan sakong mga luha.
Dai ako nagtaram, tigdangog taka sana
Tighalat matapos an dai matapos-tapos
Na istorya; saka ako naghibi, na mayong nakahiling.
An luha maski paturuon mo pamatanga
Dai minahali an kulog, padagos an pagsakit
Maski mayo nang minaturo.
Padangat taka siguro maski pan-o saimong narisa,
Na gusto taka pirming kaiba asin kaisturyahan,
Kun yaon ka, akong pirming maogma.
Padangat taka siguro maski pan-o saimong narisa
Kan kinaputan mo an sakuyang kamot
Mayo akong ibang nahiling, kundi saminong mata.
Asin kan kita nagkaibahan kan mga banggi
Na naglaom akong dai na matapos, mayo akong
Pagsulsol, mayo akong ibang ginusto kundi an mapasaimo.
Padangat taka asin dai mo ini aram
Ika na sakuyang pinamibi sa Kagurangnan
Ika na dai nakakaaram.
Ako na sana an marayo ngani nakanuod malingaw
Malingawan ining sakong pagpadangat
Malingawan ka...
Asin ining pagkamoot na sakuyang sinusurat,
Ilulubong ko na sa kahararuman kan daga
Padangat taka, ngonyan aram mo na.
I love you and you do not know this
It hurts but I have to endure
Because we can’t be, should never be.
I go to the places where you
Always go, hoping you’ll be there
And I’ll meet you.
And when I finally see your face
My hearts feels like it is being chased
My heart beats fast and I can’t help but smile.
I love you and you do not know this
That when you got sick, I was so worried
But I couldn’t do anything.
I love you and you do not know this
When you told me about her
I tried to stop my tears from falling.
I didn’t speak, I just listened
I waited for you to finish your never-ending
Story; then I cried when no one can see.
Even if you cry yourself to sleep
The pain wouldn’t just go away, the hurt continues
Even if no tears would fall anymore.
I love you and you might know this
That I always want to be with you, talk to you
Whenever you’re there, I am always happy.
I love you and you might know this
When you held my hand
I didn’t see anything but your eyes.
And during those nights we were together
Which I hoped would never end , I never had any
Regrets, I didn’t wish for anything else but to be yours.
I love you and you do not know this
You, whom I’ve prayed for
You, who do not know.
I’ll just be the one to go away so I would learn to forget
Forget about this love
Forget about you.
And this love I am writing about
Will be buried beneath the earth
I love you…now you know this.
 |
| but i won't |
No comments:
Post a Comment